టమాట పచ్చడి

టమాట పచ్చడి

కావలసిన పదార్థాలు:--
టమాటాలు -- 1/2 కేజీ 
కారం -- 1 కప్పు 
ఉప్పు --తగినంత
మెంతులు పొడి -- వేయించి పొడి చేసుకోవాలి -- 2 స్పూన్స్
పోపుదినుసులు -- సెనగపప్పు, ఆవాలు, ఎండుమిర్చి, కరివేపాకు & ఇంగువ.
నూనె -- 150 గ్రాములు

తయారీవిధానము:--
ముందుగా టమాటాలను శుభ్రం చేసి, ముక్కలు కోసి ఉంచుకోవాలి. స్టవ్ వెలిగించి, బాణలి పెట్టి, కొంచెం నూనె వేసి టమాటా ముక్కల్ని వేయించుకోవాలి. మూత పెట్టకుండా, సన్నని సెగమీద, వేయించుకోవాలి. ముక్కల్లో ఉన్న నీరు అంతా పోయి, నూనె మిగిలే వరకూ వేయించుకోవాలి. దీనిలో ఉప్పు & కారం వేసి, ముక్కలన్నీ మెత్తగా అయ్యేంతవరకు గరిటతో కలపాలి. ఇప్పుడు స్టవ్ మీద ఒక చిన్న బాణలిలో మెంతుల్ని, నూనె లేకుండా దోరగా వేయించి, పొడి చేసి, టమాటా పచ్చట్లో కలుపుకోవాలి. మిగిలిన నూనెలో సెనగపప్పు, ఆవాలు, ఎండుమిర్చి , ఇంగువ & కరివేపాకు వేసి వేయించి పచ్చడి మీద వేసి కలుపుకోవాలి. ఇది చల్లారాక సీసాలో దాచుకుంటే, నెల రోజులవరకు ఉంటుంది. అంతే కమ్మని టమాటా పచ్చడి రెడీ.